«AMANAT» партиясының мобильді қоғамдық қабылдаулары Қызылорда және Павлодар облыстарына барды

News«AMANAT» партиясының мобильді қоғамдық қабылдау бөлмелерінің аймақтарға сапары жалғасуда. Бүгін партия мүшелері Қызылорда және Павлодар облыстарына барды. Қабылдауға бір күнде 250-ге жуық азамат келіп, барлығы 11 шалғай елді мекен қамтылды.
Кезектен тыс ХХІІ съезде партия Төрағасы Қасым-Жомарт Тоқаев партия жұмысын қайта жандандыруды тапсырып, партияның қоғамдық қабылдау бөлмелері шағымдармен ғана емес, елді дамыту бойынша нақты идеялармен келетін азаматтар үшін тартымды орынға айналуы тиіс.екенін атап өтті.
«AMANAT» партиясы Республикалық қоғамдық қабылдау бөлмесі меңгерушісінің орынбасары Азамат Біржановтың айтуынша, көшпелі мобильді топтардың мақсаты – жергілікті жерлердегі халықтың мұң-мұқтажына құлақ асып, олардың өтініштерін қабылдау.
«Біз еліміздің барлық аймағын қамтуды жоспарлап отырмыз, әсіресе, партияның облыстық филиалына келуге мүмкіндігі бола бермейтін шалғай ауылдарға ерекше назар аудармыз. Мұндай сапарлар тұрғындардың өтініштеріне ден қою үшін ғана емес, сонымен қатар ауылдық жерлердегі жылдарға созылып келе жатқан проблемалардың шешімін табуға мүмкіндік береді», – деп атап өтті ол.

Мәселен, Қызылорда облысы Жалағаш ауданына қарасты Есет батыр ауылының тұрғыны Әбдірайым Сәрсенбаев электрмен жабдықтау желілерінің тозығы жеткеніне алға тартты. 
«Электр желілерін күрделі жөндеуден өткізіп, жаңа сымдар тарту қажет. Мамандардың айтуынша, біздегі электр желілерінің 75%-ның тозығы жеткен. Ауыл-аймақ деңгейінде бұл мәселенің шешімі табылмады. Енді «AMANAT» партиясының қолдауымен осы мәселе оң шешімін табады деп үміттенеміз», - деді зейнеткер.
Ал Гүлсім Жаханова ауыл көшелерін жарықтандыру мәселесін көтерді. Оның айтуынша, бүгінде ауылдағы 13 көшенің үшеуінде ғана жарық бар. 
«Аудандық бюджет қаражаты есебінен кентте 1 млн. теңгеге Көкпай көшесі жарықтандырылып, 1,4 млн. теңгеге Ақарық көшесіндегі жарықтандыру желілері   жаңартылды. Жақын арада демеушілердің қолдауымен Ақарық көшесінде 25 бағана, Әбішов көшесінде 20 бағана орнатылады», – деді Жалағаш ауданының әкімі Асылбек Шәменов.
Көшпелі қабылдау барысында аманаттықтар денсаулығына байланысты өзі келе алмаған І топтағы мүгедек Жартай Ешмахановтың үйіне барды.
«Осылай шалған ауылдарды аралап, тұрғындарының талап-тілектерін тыңдап, жағдайды өз көзімен көруге келіп отырған партия өкілдеріне алғыс айтамын. Мен сияқты үйге кіріп-шығудың өзі мұң болып отырған адамдар үшін, мұндай кездесулерді мүмкіндігінше жиі ұйымдастырған жөн. Қызымды жұмысқа орналастыруға қатысты көмек сұрадым, мәселе шешілді. Олар әлеуметтік тұрғыда өзіме де жан-жақты көмек қолын созып келеді», - деді ол.

Ал Қазалы ауданы, Бекарыстан би ауылының тұрғындары қосымша су ұңғымаларын бұрғылау қажеттігін айтты. Айтуларынша, олар тіршілік нәрін әлі күнге дейін 30-40 жыл болған 7-8 су көзінен алып келеді.
Жалпы аманаттықтар Қызылорда облысына қарасты Есет батыр, Іңкәрдария, Қандөз, Жөлек, Бекарыстан би сияқты 5 ауылға барды. Тұрғындарды ауыл ішіндегі көшелерді жөндеу, жайылымдық жерлерді кеңейту, ауыз су және суармалы су, ауыл шаруашылығы тауар өндірушілерін несиелендіру сияқты мәселелер толғандырады.
Осы күні «AMANAT» мобильді бригадалары Павлодар облысындағы шалғай елді мекендердің тұрғындарын да қабылдады. Партиялықтар Шідерті, Төртқұдық, Ивановка, Тереңкөл, Жаңа жұлдыз, Алакөл ауылдарында болды.
Шідерті ауылының тұрғыны Марат Мәкенов осындағы Қаныш Сәтпаев атындағы су арнасының құрылысын жаңалап беруге қатысты өтініш білдірді.
«Су арнасы 1974 жылдан бері жұмыс істейді, осы уақыт аралығында қайта жөндеуден өтпеген. Тұрғындарды таза сумен қамтамасыз ету үшін қызметкерлер өз күштерімен үздіксіз жұмыс атқарып келеді. Заманауи құрылғыларды орнату үшін айтарлықтай қаражат қажет. Тағы бір мәселе – арнаның қауіпсіздігі. Өйткені бұл –  ерекше қорғаудағы нысан. Ішкі істер министрлігінен комиссия келіп, қоршаудың 2,5 метрден кем болмауын, сондай-ақ, бекеттер толығымен жарықтандырылуы керектігін айтып бірнеше рет айыппұл салған. Ал біздің есебіміз бойынша мұның барлығына бюджеттен 5 млрд. теңге бөлінуі тиіс», - деді Марат Мәкенов.

Айта кетсек, бұған дейін мобильді қоғамдық қабылдаулар Ақмола және Қарағанды облыстарына барды. Сол кезде шалғайдағы 10 ауылдың 100-ге жуық тұрғыны түйткілді проблемаларын ортаға салды. Бұл сумен қамту, интернетке қолжетімділікті қамтамасыз ету, жол салу, жаңа балабақшалар мен мектептер ашу және тағы басқа мәселелер.
Еске сала кетейік, тұрғындар өздерін мазалаған мәселелері бойынша «AMANAT» партиясының Республикалық қоғамдық қабылдау бөлмесіне келесі байланыс нөмірлері арқылы хабарласуына болады:
1. Call-орталық: 8 800 080 4441 (Қазақстан бойынша қоңырау шалу тегін);
2. WhatsАpp: 8 700 800 4441
3. E-mail: komek@amanatpartiasy.kz
Қабылдауға жазылу кездесу өткізілетін күнге дейін кемінде 3 күнтізбелік күн бұрын жүзеге асырылады. 
Сонымен бірге партияның республикалық қоғамдық қабылдау бөлмесінің базасында отбасы, әйелдер және балалардың құқықтарын қорғау, сондай-ақ, тұрмыстық зорлық-зомбылыққа қарсы іс-қимыл мәселелері бойынша «111 шұғыл қызметі» арнайы байланыс орталығы жұмыс істейді.

Похожие публикации

Лента новостей

29.04.22
«AMANAT» партиясы жанынан «TALQYLAU» қоғамдық диалог алаңы жұмысын бастады
28.04.22
«AMANAT» партиясының мобильді қоғамдық қабылдаулары Қызылорда және Павлодар облыстарына барды
28.04.22
Мобильные общественные приемные партии «AMANAT» выехали в Кызылординскую и Павлодарскую области
30.03.22
«AMANAT» партиясында қоғамдық кеңестердің жаңа басшылары таныстырылды
29.03.22
Публичная диалоговая площадка «TALQYLAU» запущена при партии «AMANAT»
20.03.22
Әз Наурыз әр шаңыраққа ырыс пен құт әкелсін
19.03.22
Партия «AMANAT» провела митинг в поддержку Послания Президента
16.02.22
Руслан Алишев возглавил холдинг Nur Media
16.02.22
Nur Media холдингіне жаңа басшы тағайындалды
16.02.22
Nur Otan: Ауыл тұрғындарының мәселесін шешуге ықпал етті
15.02.22
Мәжіліс Төрағасы: Аймақтарда депутаттар шынайы мәселелерді көтеруі керек
13.02.22
Президент почтил память жертв январской трагедии
08.02.22
Мемлекет басшысы Үкіметтің кеңейтілген отырысын өткізді
07.02.22
Токаев принял исполнительного секретаря партии Nur Otan
07.02.22
Азаматтардың талап-тілегіне жауап беру үшін Nur Otan-ды жүйелі түрде қайта құру қажет – Тоқаев
28.01.22
Глава государства принял участие во внеочередном ХХІ Съезде партии Nur Otan
10.11.21
Новым руководителем ТОО «Литер-Айқын» стал Бакытжан Турлыбеков
10.11.21
«Айқын-Литер» ЖШС-ның жаңа директоры тағайындалды
29.10.21
Актуальные вопросы развития моногородов рассмотрели в Nur Otan
29.10.21
Действующие меры по борьбе с распространением наркотиков малоэффективны - Молодежный совет Nur Otan
Все новости

Архив публикаций

«    Май 2022    »
ПнВтСрЧтПтСбВс
 1
2345678
9101112131415
16171819202122
23242526272829
3031 
Оцените работу движка

Наши партнеры

Наверх