Ауыл болашағына алаңдайтын жастар көп

Алматы облысы Ақсу ауданындағы партиялық резервтен үміткерлер ара­сында өткен пікірсайыста негізінен ауыл тірлігін жақ­сартудың жолдары, жер­гі­лікті жерлерді дамыту тұр­ғысындағы ойлар ортаға салынып, ұсыныстар біл­ді­рілді. Үміткерлер қатарына іріктеліп алынғаннан бергі кезеңде елді аралап, қара­пайым жұрттың мұң-мұқ­тажы мен ұсыныс-тілек­терін тыңдаған, тұрмы­сы­мен та­нысқандар кейбір күр­делі мәселелердің күр­ме­уін тар­қатуға қатысты жос­парла­рын да жайып салды. 
Ел ішінде шешімін күткен проблемалар жетіп артылады. баршылық. «Өңірлерді дамыту» бағдарламасының бағыттары көбіне сөз Әсіресе, орталықтан алыста орналасқан елді мекен­дерді, елді елеңдететін түйткілдер жүзінде қалған. Шалғай ауыл­дарда интернет желісін тарту, көшелерді жарықтандыру, жол­дарды жөндеу мен ауызсумен қамтуға қатысты мәселелер жиі алдан шығады. Соған сай үміт­керлер арасындағы ашық пікір­таластың негізгі өзегі де алыс ауылдардағы тірлікті қайтсек түзетеміз деген тақырыпта бол­ды. Жоғарыда айтылғандардың көбі көтеріліп келе жатқанына жылдар өтсе де, шешімін тап­пағандықтан әлі күнге күн тәртібінен түспей келеді.
Партиялық резервтен үміт­кер Мұрат Орманов осы уақытқа дейін ауданның барлық ауылы мен елді мекенінде болып, ха­лық­тың ұсыныстарын жинақ­тапты. Сол тілектер ішіндегі ке­­зек күттірмей, тез арада ше­шу­ді қажет ететіндердің қатарында бай­ланыстың нашарлығы, ме­дициналық кадрлар тапшылығы мен ауылдық амбулаториялар­дың күрделі жөндеуді қажет ете­тіндігі сынды ауыл тұрғын­да­ры­ның тұрмысына тікелей әсер ете­тін түйткілдер бар. Мұрат өз бағ­дар­ламасына шалғай ауыл­дар­дағы мәдениет үйлерін күр­де­лі жөн­деуден өткізу мен олар­дың жұ­мы­сын бүгінгі күн тала­бы­на сай ұйымдастыруды да қосыпты.
– Кез келген қаржылық мә­се­лені шешу үшін тиісті орынға жөнелтілетін сұраныстың нақты жобасы, шығындары толық есеп­телсе, жергілікті билік өкіл­дері нақты қай бағытта жұмыс істейтінін білетін еді. Халықты көп толғандыратын мәселенің бірден шешілмейтіні, сол проб­лемалардың себебі мен сал­да­рының нақты анықталмауынан және реттеудің жолдары дұрыс қарастырылмағандықтан екені айдан анық. Өз жоспарымда ең әуелі мерзімділік пен тыңғылық­ты есептеулерге жүгінемін, – дейді Мұрат Орманов.
Тағы бір үміткер Сағадат Ермұхамбетова үкілі үміті жүзеге асып жатса, көпбалалы аналар­дың әлеуметтік тұрмысын жақ­сарту, олардың кәсіп көзін өз ауылдарынан тауып, бала-ша­ғасының нәпақасын айыра ала­тындай жағдайға жетуін қам­та­масыз етуді мақсат тұтып­ты. Са­­ғадат көпбалалы аналардың қол­дарынан келетін кәсіппен тұ­рақты айналысуына жол ашып, мемлекеттен қаржылай қолдау алуларына көмектескісі келеді.
Ал ауылдағы мәдениет сала­сы қызметкерлерінің жанай­қа­йын жақсы түсінетін Асхат Дос­мұ­хамбетов жастарды ауылда тұ­рақтандыру үшін оларды ең­бек­пен қамтып қана қоймай, әр ауылда мәдениет ошағының жұмыс жасауын жолға қою қажет деп санайды. «Жастардың – ру­хани тірегі, бас қосатын ор­та­лығы, кітапхана мен мәдениет үйі әр елді мекенге керек. Оның материалдық базасы, кадр мә­селесін шешіп, ауыл тұрғын­да­рына сапалы қызмет көрсететін рухани орталыққа айналуына барынша жағдай жасауымыз керек. Мәдениет – өмір бұлағы. Тәрбие басы тіл болса, рухани­лықтың түп тамыры – өнер мен мәдениет. Атқарушы биліктегі­лерге мәдениет саласы қызмет­кер­лерінің ауылды жерде тұрақ­тап, елге қызмет көрсетуіне қа­жетті барлақ жағдайды жасауға айрықша назар аудару туралы тапсырма берген Мемлекет басшысы биылғы Жолдауында осы мәселеге ерекше көңіл бөл­ген еді. Партиялық кадрлық ірік­теуге үміткер ретінде қаты­сып отырмын, ертең сенімнен шығып жатсам, бірінші кезекте мәдениет саласында қордаланып қалған проблемаларды шешуге кірісер едім, – дейді аудандық мәдениет үйінің директоры, кадр­лық іріктеуге қатысушы үміт­кер Асхат Сейденұлы.
Басқа үміткерлер тарапынан да тұшымды ойлар, ұғынықты ұсыныстар айтылды. Жастардың жұмыссыздық мәселесі, оларға баспананың қажеттігі мен жас отбасының өмір көшінен қалыс­пауының жолдары талқыға са­лынды. Мемлекет ауыл жас­та­рына жасайтын қамқорлығын азайтпай, ауылда кәсіптің түрін көбейтуі қажет. Ол үшін берілетін несиелерді жеңілдету жағын және ауыл шаруашылығына бө­лінетін субсидиялардың барын­ша қолжетімділігін қарас­тыр­ға­ны жөн. Жастар да қарап отыр­­май, ізденісті істерін жалғас­тыр­ғанда ғана алтын бесік ауылдың да­муы­на өзіндік үлестерін қоса ала­ды. Пікірсайыс ұтымды ұсы­ныстар­мен, ұтқыр ой, жаңашыл жоба­ларға толы болды. Бастысы, үміт­керлер арасында ортақ ұм­ты­лыс – туған жеріне жана­шырлық, ауыл тұрғындарының тұр­мысын жақсартуға ұмтылыс­ты көріп, қатты қуандық. Ақсу ау­данында өткен партияның кадр­лық ре­зервіне үміткерлер ара­сындағы ашық пікірталас Жан­сүгіров ауылына 600 түп шырша көшетін отырғызумен аяқталды.
Болат АБАҒАН,
Алматы облысы

Похожие публикации

Лента новостей

30.03.20
Коронавируспен күресіп жатқан медицина қызметкерлері 850 мың теңгеге дейін үстеме ақы ала алады
30.03.20
Birgemiz қоғамдық қорына 11 миллиардтан астам теңге түсті
30.03.20
"BIRGEMIZ" қоғамдық қорының басшылыққа алатын негізгі қағидаттары
29.03.20
В Казахстане зарегистрирован первый региональный фонд «Birgemiz-Mangystau»
27.03.20
Общественный фонд «Birgemiz» под особым контролем Елбасы
26.03.20
Госкомиссия по обеспечению режима ЧП при Президенте РК усилила ограничения в Нур-Султане, Алматы и Шымкенте
26.03.20
Nur Otan: «Біз біргеміз!» акциясы аясында 11 600-ден астам отбасыға 214 миллион теңгеге көмек көрсетілді
25.03.20
Nur Otan усиливает контроль за обращениями граждан
25.03.20
Казахстанские ученые показали Токаеву тест на коронавирус
25.03.20
Қазақстанда 2 адам коронавирустан айықты
25.03.20
Определены 10 основных принципов Общественного фонда «Birgemiz»
23.03.20
Президенттің Төтенше жағдай жөніндегі мемлекеттік комиссия отырысында сөйлеген сөзі
20.03.20
«Nur Otan» әлеуметтік пакеттерді байланыссыз жолмен таратуды жалғастыруда
20.03.20
ТВОЙ ДОМ - ТВОЯ КРЕПОСТЬ!
20.03.20
Қазақстан Республикасының Тұңғыш Президенті – Елбасы Н.Ә.Назарбаевтың Қазақстан халқына ҮНДЕУІ
20.03.20
Назарбаев обратился к народу Казахстана
18.03.20
Nur Otan партиясы карантин жарияланған Алматы мен Нұр-Сұлтан қаласының тұрғындарына көмек көрсетеді
18.03.20
150 миллионов тенге выделит Nur Otan социально уязвимым слоям населения
18.03.20
«Nur Otan» возьмет на контроль защиту прав граждан во время карантина
16.03.20
Тоқаев Қазақстанда төтенше жағдай жариялады
Все новости

Архив публикаций

«    Март 2020    »
ПнВтСрЧтПтСбВс
 1
2345678
9101112131415
16171819202122
23242526272829
3031 
Поговорим о сериалах:

Наши партнеры

Наверх