Бауыржан Байбек праймериздің онлайн-форматта дауыс беру арқылы өтетінін хабарлады

Праймериз Nur Otan

«Nur Otan» партиясы қазақстандықтарды 17 тамыз бен 3 қазан аралығында өтетін праймеризге белсенді қатысуға шақырады. Бұл туралы «Nur Otan» партиясы Төрағасының Бірінші орынбасары Бауыржан Байбек Facebook-тегі парақшасында хабарлады.

«Құрметті достар! «Nur Otan» партиясында 17 тамыз бен 3 қазан аралығында праймериз өткізу жоспарланғаны белгілі. Қазақстанның партиялық-саяси даму тарихында алғаш рет ол жалпыреспубликалық партияішілік масштабта өтеді. Бұл партиямыздың «қайта жаңғыруының» және алдағы Мәжіліс пен мәслихаттарға сайлау науқанына дайындығының қорытынды кезеңдерінің бірі.
Праймериздің негізгі мақсаты – партиялық тізімдерді бәсекелі және айқын негізде қалыптастыру. Нұротандықтар еліміздің барлық аймағында қоғамның сенімі мен қолдауына ие болған беделді партия көшбасшыларын өздері анықтайды» – деп жазды ол.
Бауыржан Байбектің айтуынша, еліміздегі карантин жағдайында партияішілік сайлауды онлайн-форматта дауыс беру арқылы өткізу жоспарлануда.

«Өкінішке қарай, коронавирус пандемиясы тыйылар емес және өміріміздің барлық саласына әсер етіп жатыр. Карантин және әлеуметтік оқшаулану жағдайында біз қашықтан жұмыс істеп, өзара әрекет етуге мәжбүрміз. Мұндай жағдай Қазақстанда және әлемде қашанға дейін созыларын ешкім де болжап айта алмайды. Бұл – ішкі саяси процестерді де осыған бейімдеуді талап ететін жаңа құбылыс. Себебі барлығымыз үшін негізгі басымдық – азаматтарымыздың денсаулығы.
Осыған байланысты біз партия Төрағасы, Елбасы Нұрсұлтан Әбішұлы Назарбаевтың тапсырмасы бойынша партияішілік сайлауда онлайн-форматта дауыс беру механизмін пысықтадық. Саяси кеңес мүшелері Праймериз өткізу ережесіне енгізілген тиісті толықтыруды сырттай дауыс беру арқылы қолдады» , – деп толықтырды ол. 
Сонымен қатар партия Төрағасының бірінші орынбасары партия қызметін цифрландыру жұмыстарына да тоқталды.

«Өздеріңіз білетіндей, партия қызметін цифрландыру бойынша жүйелі жұмыстар 2014 жылдан-ақ басталған болатын. «Nur Otan» елімізде алғашқы болып «Электронды партия» ауқымды жобасын іске асыруға кірісті. Партияның орталықтандырылған деректер базасы, онлайн қоғамдық қабылдауы, веб-порталы жасалып, мессенджерлер мен әлеуметтік желілер арқылы жаңа коммуникация арналары енгізілді.
Жаңа цифрлық мүмкіндіктерді халық та қарқынды қолданып жатыр. Карантин енгізілген сәттен бастап партияға онлайн жүгінушілер саны 5,3 есе, оның ішінде Facebook пен Instagram арқылы – 17,5 есе, ал Whatsapp бойынша – 9,5 есеге артты. Партияның қоғамдық қабылдауына бірінші жартыжылдықта 224,1 мың адам хабарласты. Бұл өткен жылмен салыстырғанда 3,6 есеге өскен. Осы мәселелердің көбі шешілді және бірқатары партия бақылауында.
«Электронды партия» жобасы «Праймериз» ақпараттық жүйесін әзірлеуге негіз болды. Ол веб-портал мен мобильді қосымшадан тұрады. Бұл ретте біз шетелдік озық тәжірибелерді зерттеп, тиісінше қолдандық.
Мұнда біз жеті базалық қағидатты басшылыққа аламыз. Атап айтқанда, олар қолжетімділік, автономдылық, айқындық, сенімділік, легитимділік, көп функционалдық және қауіпсіздік қағидаттарын қамтиды. Бұлар жүйені қолдануға жеңіл етіп, ақпараттық қауіпсіздікті, сайлаушының «таңдау құпиясын», сырттан араласу мен бұрмалау тәуекелдерінен қорғауды қамтамасыз етеді.
«Праймериз» жүйесі тұрғындармен кері байланысты барынша күшейтіп, сауалнамаларды жедел жүргізуге, түрлі бастамалар мен заң жобаларын талқылауға, шалғайдағы елді мекендердің тұрғындарының пікірлерін тыңдауға мүмкіндік береді.
Сондықтан «Праймериз» жүйесін әзірлеуге қызу атсалысқан ІТ-мамандар тобы мен партия мүшесі Асқар Жұмағалиевке ерекше алғыс айтқым келеді», – дейді Бауыржан Байбек.
Сөз соңында партия Төрағасының бірінші орынбасары праймеризді онлайн өткізудің артықшылықтарына тоқтала келе, қазақсандықтарды бұл шараға белсенді қатысуға шақырды.

«Онлайн-формат – партияның ашық әрі қолжетімді бола түсуіне жасалған тағы да бір қадам. Әсіресе, жастар үшін жақсы мүмкіндік. Елбасының тапсырмасы бойынша әрбір мәслихат пен Мәжіліске арналған партиялық тізімдерде кемінде 20% 35 жасқа дейінгі жастарды қамту жоспарланып отыр.
Адал да бәсекелік негізде праймериз өткізу бәріміз үшін маңызды. Сарапшылар қоғамдастығы ағымдағы қоғамдық-саяси мәселелерді шешуде бұдан үлкен үміт күтіп отыр. Мұны таяуда өткен «Nur Otan» жақтастары Лигасының дискуссиясы нақты көрсетті.
Біз Лиганың бүкіл ел көлемінде партияшішілік таңдаудың өткізілу барысына қоғамдық бақылау жасау бойынша бастамасын қолдаймыз.
«Nur Otan» партиясы елімізді сөзбен емес, іс жүзінде дамытқысы келетін барша жанды праймеризге қызу қатысуға шақырады!» , – деп қорытындылады сөзін ол. 

Похожие публикации

Лента новостей

29.07.20
Бағдат Мусин ХҚКО-дағы жемқорлықты жоюға уәде берді
29.07.20
100 корзин здоровья вручили жасотановцы врачам в Шымкенте
29.07.20
Бауыржан Байбек праймериздің онлайн-форматта дауыс беру арқылы өтетінін хабарлады
29.07.20
Партия Nur Otan проведет праймериз в онлайн-режиме
29.07.20
В Казахстане продлили карантин на две недели
29.07.20
Тоқаев карантин мерзімін тағы екі аптаға ұзартуды тапсырды
28.07.20
Раздавать казахстанцам пенсионные деньги или вкладывать их в другие страны. Разбираемся
24.07.20
Корзины с продуктами вручили столичным врачам партийцы Nur Otan
22.07.20
Мониторинговая группа Nur Otan проверила условия проживания медиков, задействованных в борьбе с COVID-19
16.07.20
Хрен, имбирь и барсучий жир: Как казахстанцы лечатся от коронавируса народными средствами
11.07.20
Коронавирустың әлемдегі таралу қарқыны қандай?
11.07.20
Исследование: темпы распространения КВИ в разных странах
10.07.20
Қазақстан Президенті Үкіметтің кеңейтілген отырысын өткізді
09.07.20
Общереспубликанская акция #BizBirgemiz будет продолжена — Байбек
09.07.20
Nur Otan Президенттің іс-шараларын қолдай отырып, #BizBirgemiz акциясын жалғастырады
08.07.20
Қазақстан Республикасының Президенті Қасым-Жомарт Тоқаевтың телевизиялық үндеуі
08.07.20
Тоқаев: Жалған ақпарат таратқан адам жауапқа тартылады
08.07.20
Токаев объявил 13 июля днем траура по жертвам коронавируса
08.07.20
BIRGEMIZ: Алматы облысында 2 жедел жәрдем көлігінің кілтін табыстады
06.07.20
Тоқаев Елбасын туған күнімен құттықтады
Все новости

Архив публикаций

«    Август 2020    »
ПнВтСрЧтПтСбВс
 12
3456789
10111213141516
17181920212223
24252627282930
31 
Поговорим о сериалах:

Наши партнеры

Наверх