«Ақындардың да мінберде сөйлейтін кезі келді» – ақын Жүрсін Ерман

– «Nur Otan» партиясында пар­тияішілік праймериз басталып кетті. Қазіргі кезде сайлау науқанына қа­тысушылардың құжаттары қабыл­данып жатыр. Праймеризге сіз де қатысасыз ба? 
– Праймериз Қазақстан тарихында бірінші рет өткелі жатыр. Бұл партияішілік таңдау – лайықты адамдарды мәслихат пен Мәжіліске ұсынудың бірден-бір жолы әрі заманауи оңды бастама. Сондықтан мен де праймеризге қатыспақшымын. Мен бұл додада жер мәселесін, тіл мәселесін, дін, дәстүр және ұлттық құндылықта­рымызды сақтау, ардақтау туралы бірқатар ұсыныстарымды айтамын.
– Бұл науқанға айтыскер ақын­дар да үн қосып, қолдау білдіруде. Нақты кімдер додаға түседі? Аталған азаматтар қандай мәселелерді көтермекші?
– Науқаннан айтыс ақындары да қалыс қалмады. 6 айтыскер ақын, атап айтқанда Аманжол Әлтаев, Айбек Қалиев, Бекарыс Шойбеков, Серікзат Дүйсенғазы, Айтбай Жұмағұлов, Мұхтар Ниязов праймеризге қатысады. Күні кеше ғана «Nur Otan»  партияcының хатшысы Арман Қырықбаевтың жетекшілігімен Zoom қосымшасы арқылы үлкен жиын өтті. Оған ақын-жазушылар мен бірқатар зиялы қауым өкілдері қатысты. Сонда жиын­дағылардың басым бөлігі осы айтыскер ақындар болды. Жалпы, айтыс ақындары сайлаусыз-ақ елге танылған, халыққа сөзі өтетін, көпшіліктің назарында жүрген адамдар. Әрқайсысының жүздеген, мың­даған жана­шырлары бар. Әрі көптің алдына шығып, елдегі өзекті мәселелерді көтеріп жүрге­нін жұрт жақсы біледі. Бұған дейінгі өткен айтыстардың бар­лығында ақындар қоғамдағы түйткілді мәселелердің бәрін ашық айтып келді. Депутат болған кезде де олар сол жүрісінен танбай­ты­нына сенемін.
– Елімізде алғаш рет өтетін праймериз туралы пікірлер екіге жарылды. Бірі «праймериз қолынан іс келетін азаматтарды ел алдына шығарады» десе, енді бірі «мұны алдын ала жасалған «бағдарлама» деп болжам жасап отыр. Бұл туралы не айтасыз? 
– Праймериз – көптеген да­мыған елдерде қолданылған тә­жірибе. Біздің елде де бұл үрдістің жалғасуы орынды. Қазір әлеуметтік желілерде неше түрлі пікірді бай­қауға болады. Оның ішінде «Nur Otan»-ға тіл тигізген желі қол­данушылары да бар. Қоғамға іріткі салып отырған азаматтар елге, ұлтқа жаны ашыса, алдымен елдің басын қосатын сөз айту керек. Жалпы, қай мәселеге болмасын түрлі сын-пікірлер айтылады. Бастысы, қолға алған істі абырой­мен атқарған жөн. 
– Сайлау алдындағы сайлауда үміткердің асығы алшысынан түсуі үшін оның бойында қандай қасиет болуы керек деп ойлайсыз? 
– Қазір халықтың санасы оянған. Қоғамда үлкен өзгерістің болатынына сенеді. Сол өзгерістің ортасында ұлтқа жаны ашитын, қаны қазақы, жаны қазақы, елдің ертеңін ойлайтын азаматтар болуы қажет. Елдің жағдайын білетін, халықпен, оның ішінде ауылмен қатынасын үзбеген ұлтжанды адамдар керек-ақ. Сонда солардың асығы алшысынан түседі деп ойлаймын. Біз әлі күнге дейін қазақ тілін мемлекеттік тілге айналдыра алмай жүрміз. Соны қолға алатын уақыт жетті. Жер мәселесіне де түбегейлі нүкте қойылуы керек.
– Праймериз лайықты канди­даттарды таңдауға көмектесетіні белгілі. Бұл, әсіресе жалынды, жігерлі жастарға үлкен мүмкіндік екені сөзсіз. Бұған көзқарасыңыз қандай?
– Әділ,  ашық түрде өтетін болса, халықтың ішінде белсенді азаматтарды іріктейтін бірден-бір жол болмақ. Солай өтетініне сенеміз. Жаңа адамдар, жаңа есімдер қоғамды ілгері бастырудың тиімді жолын ұсынатын жігерлі жастар, тек қана жастар емес, белсенді азаматтар да сайлануы тиіс. Егер де ел ішіндегі позициясы мықты азаматтар осындай шешуші сәтте тартыншақтап, кейін шегініп қалатын болса, оның орнына пысықайлар өтіп кететін болса, онда бұл Парламенттің де ғұмыры ұзақ болмайды. Сондықтан қазір өзгерістер қажет. Партия да сол өзгерістерді халықпен бірге жасауға дайын. Қорыта айтқанда партияның Пар­ламент сайлауына қатысу­шыларды іріктеуі – оңды шешім. – Әңгімеңізге рақмет!  
Сұхбаттасқан  Абылайхан ЖҰМАШ

Похожие публикации

Лента новостей

26.04.21
В Nur Otan озвучили предложения по сдерживанию цен на продукты питания
23.04.21
«Miras» алаңында отандық кинематографияның жай-күйі талқыланды
22.04.21
Обеспечение сёл питьевой водой взяли на контроль в Nur Otan
22.04.21
Сапалы сумен қамтамасыз ету мәселесі Nur Otan-да қатаң сынға алынды
21.04.21
Nur Otan-да биылдың өзінде 1000 мектеп жаңғыртылатыны айтылды
19.04.21
Nur Otan-ның сайлауалды уәделерінің орындалуын 1738 қоғамдық кеңес қадағалайды
16.04.21
Корпус молодых депутатов создали в партии «Nur Otan»
12.04.21
Nur Otan возьмет на контроль ход вакцинации в регионах
12.04.21
Белгілі қоғам қайраткерлері мен журналистер Nur Otan партиясының жаңа кеңестеріне кірді
08.04.21
Мәжіліс депутаттары алматылықтардың айтарын тыңдады
07.04.21
Нурсултан Назарбаев принял Председателя правления АО «ФНБ «Самрук-Қазына» Алмасадама Саткалиева
06.04.21
Елдос Абаканов рассказал, как будут решаться экологические проблемы Казахстана
05.04.21
«Қоғамдық кеңес – демократияға сай қозғалыс» – Расул Жұмалы
02.04.21
Бауыржан Байбек рассказал, как Nur Otan реализовывает концепцию «Слышащего государства»
02.04.21
«Nur Otan» сайлауалды бағдарламасының орындалуын қалай бақылайды
01.04.21
Nur Otan: Биыл үш ауысымды мектептердің мәселесі шешіледі
01.04.21
«Nur Otan»: Казыгуртский депутат содействовал узакониванию прав на жилье жительницы, которая 13 лет искала справедливости
31.03.21
Нұр-Сұлтанда ертеңнен бастап 1-сыныпқа құжат қабылдау басталады
31.03.21
Елбасы Түркітілдес мемлекеттердің ынтымақтастық кеңесінің бейресми саммитіне қатысты
31.03.21
Глава государства принял участие на неформальном саммите Совета сотрудничества тюркоязычных государств в онлайн-формате
Все новости

Архив публикаций

«    Май 2021    »
ПнВтСрЧтПтСбВс
 12
3456789
10111213141516
17181920212223
24252627282930
31 
Оцените работу движка

Наши партнеры

Наверх