Nur Otan Атырауда: Ластаушы қалдықтар көлемін 12%-ке төмендетеміз


«Nur Otan» өңірлерде халықпен кездесулерді жалғастыруда. Бүгін Республикалық сайлауалды штаб мүшелері Атырау облысына барды.
Атырау мұнай өңдеу зауытының жұмысшыларымен кездесу барысында экология, жұмыспен қамту, әлеуметтік инфрақұрылымды жаңарту және т.б. мәселелер талқыланды.
Партия алдағы 5 жылда өңірде кемінде 100 мың жұмыс орнын ашуға, 10 жаңа денсаулық сақтау нысанын, 11 мектеп пен 56 балабақша салуға уәде береді. Сондай-ақ, әлеуметтік мұқтаж азаматтарға 7 мың пәтер берілмек, ол үшін шамамен 3,5 млн. шаршы метр тұрғын үй салу жоспарлануда.
Өңір тұрғындары үшін тағы бір маңызды мәселе – экология. Бұл ретте «Nur Otan» ластаушы шығарындылар көлемін 12%-ке төмендету үшін бірқатар ірі өнеркәсіптік кәсіпорындарды жаңғырту міндетін қойып отыр.
Бұдан соң сайлауалды штаб мүшелері қоғамдық ұйым өкілдерімен, паралимпиадалықтармен және басқа да ерекше қажеттілігі бар белсенді азаматтармен кездесті.


«Өздеріңіз білетіндей, Елбасы партия Төрағасы Нұрсұлтан Назарбаевтың тапсырмасымен «Nur Otan» партиясы 2014 жылдан бері «Кедергісіз келешек» жобасын жүзеге асырып келеді. Осы жобаның арқасында ерекше қажеттілігі бар 40 мың азамат жұмысқа орналасып, 24 мыңнан астам нысан қайта бейімделді, сондай-ақ жалпы білім беретін мектептерде инклюзияны қолдаудың 43 бөлмесі ашылды. Таяудағы 5 жылда ерекше қажеттілігі бар адамдар үшін тағы 22 мың әлеуметтік инфрақұрылым нысанын бейімдеу жұмыстары жалғасын табады», - деп атап өтті Республикалық сайлауалды штаб жетекшісі Бауыржан Байбек.
Сондай-ақ, оның айтуынша, ерекше қажеттілігі бар адамдарды жұмысқа орналастыру, қоғамда ынтымақтастық ахуал қалыптастыру бойынша жұмыстар жалғасады. Жұмысқа орналастыру, психологиялық және құқықтық көмек көрсету мәселелері жөніндегі орталықтар ашу жоспарлануда. Жұмысқа орналастыру квотасын орындамайтын жұмыс берушілер үшін өтемақы төлемдері енгізіледі, ол ерекше қажеттілігі бар адамдар үшін жұмыс орындарын құруға бағытталады.
Тұрақты күтімді қажет ететін және жеке көмекшінің қызметін пайдаланбайтын барлық бірінші топтағы мүгедек азаматтарға қосымша әлеуметтік жәрдемақы ұсынылады. Бұл ретте 2025 жылға қарай мүгедектігі бар мұқтаж азаматтар 100% техникалық құралдармен және оңалту қызметімен қамтамасыз етіледі.
«Барша балаға – тең мүмкіндік» қағидатын іске асыра отырып, біздің партия барлық колледж бен жоғары оқу орындарында, сондай-ақ 70% мектептер мен мектепке дейінгі ұйымдарда инклюзивтік білім берудің енгізілуін қамтамасыз етеді. Оңалту орталықтарының саны артып, ерекше қажеттілігі бар балаларды психологиялық-педагогикалық және коррекциялық қолдау бойынша мемлекеттік тапсырыс енгізіледі. Асыраушысынан айрылған балалар бір мезгілде мүгедектігі және асыраушысынан айрылуы бойынша 2 жәрдемақы алады», - деді ол.
Билеуші партияның жоспарында зағип және көру қабілеті нашар жандар үшін кітапхана қорын кеңейту, оның ішінде мемлекеттік тілдегі әдебиеттерді көбейту, ымдау тілін онлайн-аудару бойынша арнайы бағдарламаларға қолжетімділікті қамтамасыз ету де бар. 
Осы күні нұротандықтар тағы да бірқатар кездесулер өткізді, оның ішінде «Atyrau-Avtopark» автобус паркінің жүргізушілерімен жүздесті. Өзекті тақырыптар бойынша емін-еркін сұхбат құрып, «Nur Otan»-ның өңір мен қалада өмір сапасын жақсарту жөніндегі бастамалары туралы әңгіме өрбіді.

Похожие публикации

Лента новостей

19.01.21
Нұрсұлтан Назарбаев «Единая Россия» бүкілресейлік саяси партиясының төрағасы, Ресей Федерциясының Қауіпсіздік Кеңесі төрағасының орынбасары Дмитрий Медведевпен телефон арқылы сөйлесті
19.01.21
Телефонный разговор с Председателем Всероссийской политической партии «Единая Россия», Заместителем Председателя Совета Безопасности Российской Федерации Дмитрием Медведевым
19.01.21
Nur Otan партиясының жеңісіне орай бірнеше елдің басшылары Нұрсұлтан Назарбаевты құттықтады
19.01.21
Президенты Турции, Узбекистана, Азербайджана, Сербии и Хорватии поздравили Елбасы по случаю победы Nur Otan на выборах
19.01.21
Сколько потратили на клубы казахстанской премьер-лиги
19.01.21
С 1 февраля в Казахстане начнется массовая вакцинация от коронавируса
19.01.21
Назиля Раззак: Работы новому созыву Парламента предстоит много
18.01.21
Ұлтының қамын ойлаған ұл
18.01.21
Дәрігер коронавирустың жұғуын 250% арттыратын факторды атады
18.01.21
В Нур-Султане ограничат время работы автобусов
14.01.21
Председатель партии «Nur Otan» принял участие в заседании фракции партии в Мажилисе Парламента
14.01.21
«Nur Otan» партиясының Төрағасы Нұрсұлтан Назарбаев Парламент Мәжілісіндегі партия фракциясының отырысына қатысты
12.01.21
Опубликован список депутатов Мажилиса от партии «Nur Otan»
11.01.21
Нурсултан Назарбаев посетил Республиканский предвыборный штаб партии «Nur Otan»
11.01.21
Елбасы Нұрсұлтан Назарбаев «Nur Otan» партиясының республикалық сайлауалды штабына барды
08.01.21
Nur Otan в Караганде: Создадим 150 тысяч новых рабочих мест
07.01.21
800 жаңа мектеп саламыз: Nur Otan сайлауалды штабы Павлодарға келді
06.01.21
Nur Otan в СКО: Поддержим семьи, переезжающие с юга на север
05.01.21
977 мың отбасыға баспана саламыз – Nur Otan сайлауалды штабы Қостанайда
29.12.20
«80 новых школ». Nur Otan решит проблему трехсменки в Жетысу
Все новости

Архив публикаций

«    Январь 2021    »
ПнВтСрЧтПтСбВс
 123
45678910
11121314151617
18192021222324
25262728293031
Поговорим о сериалах:

Наши партнеры

Наверх