Сапалы сумен қамтамасыз ету мәселесі Nur Otan-да қатаң сынға алынды

NewsХалықты сапалы ауыз сумен қамтамасыз ету үшін айтарлықтай қаражат бөлінгеніне қарамастан, жекелеген елді мекендерде адамдар әлі күнге дейін суды тасып ішуге мәжбүр. Дәл осы жағдай «Nur Otan» партиясында Сыбайлас жемқорлыққа қарсы іс-қимыл жөніндегі республикалық қоғамдық кеңестің отырысында қаралды.
Индустрия және инфрақұрылымдық даму министрлігінің ақпаратына сенсек, өткен жылы еліміз бойынша халықтың 93,1%-ы орталықтандырылған сумен жабдықтауға қол жеткізген. Биыл сумен жабдықтау және су бұру жүйелерін дамыту бойынша 319 жобаны іске асыруға 125 млрд. теңге бөлініп, 793 ауылды ауыз сумен қамтамасыз ету жоспарлануда. 
Кеңес төрағасы, Мәжіліс депутаты Ерлан Саировтың айтуынша, партияның қоғамдық қабылдаулары мен БАҚ арқылы халық көтерген резонанстық мәселелерді талдаған кезде, сапалы ауыз сумен қамтамасыз ету мәселесі әлі де өзекті болып отыр.
Мысалы, Сәтбаев және Жезқазған қалаларын сумен қамтамасыз ету үшін Есқұла су тартқыш құбырының құрылысы 10 жыл бойы жүргізіліп келеді. Аталған су таратқыш трассасы топырақтың құлау аймағы арқылы өткені, ал жобада қарастырылған суды залалсыздандыру жабдығының еш жерде шығарылмайтыны анықталды. Бұл әрине, жұмыстың тоқтап қалуына және жобаны түзету қажеттілігіне, сондай-ақ құрылыс құнының қымбаттауына әкеп соққаны сөзсіз. Жобаны іске асыруға 6,32 млрд. теңге жұмсалды. Мұндағы жұмыстарды жүргізудің нормативтік мерзімі бұзылуына және жабдықтардың тұрып қалуына байланысты қазірдің өзінде қалпына келтіру жұмыстарын қажет етеді. Ол үшін бюджеттен қосымша 463 млн.теңге сұралып отыр.
«Инфрақұрылымды жоспарлау кезеңінде-ақ көптеген проблемалар болған, су айдау елді мекеннен алыс орналасқан және магистраль салу үшін қосымша қаражат пен уақыт қажет болады. Ал ірі елді мекендерден су айдау үшін ол жерлерде қуат жеткіліксіз. Жалпы, орталық және жергілікті органдардың жоспарлау кезінде жіберген осындай немқұрайдылығы халықтың мемлекетке деген сенімсіздігін тудырады», - деді Мәжілістегі «Nur Otan» партиясы фракциясының депутаты Юрий Жулин.
Тұтастай алғанда, материалдарға жүргізілген талдау мемлекеттік және өңірлік бағдарламалар шеңберінде халықты ауыз сумен қамтамасыз ету мәселесі бойынша бөлінетін бюджет қаражатын жұмсау саласындағы заңбұзушылықтар оларды іске асырудың барлық дерлік кезеңдерін қамтитынын көрсетті.
«Мемлекеттік бағдарламаларды іске асыру кезінде айтарлықтай көп олқылықтар, кемшіліктер, ведомстволардың бірлесіп жұмыс істей алмауы, жауапкершілікті бір-біріне ысыра салуы және мәселені ашық көтермей, бейқамдық таныту орын алып отыр. Жобаның орындалуына және оның тиімділігіне уәкілетті органдар тарапынан бақылаудың болмауы, аяқталмаған, жұмыс істемейтін нысандардың қараусыз қалуына және пайдалануға қабылдауға әкеп соқтыруда. Осыдан соң  жобада қойылатын сапа, қуат, өнімділік өлшемдеріне жауап бермейтін нысандар пайдалануға беріледі. Индустрия және инфрақұрылымдық даму министрлігі аудит жүргізіп, оны жұртшылыққа ұсынуы тиіс деп санаймыз», - деді Ерлан Саиров.
Сондай-ақ, отырыс барысында Батыс Қазақстан облысындағы сыбайлас жемқорлыққа қарсы іс-қимыл жұмыстарының тиімділігі мәселесі қаралды. 
Кеңес жұмыс тобының мүшелері өңірдегі қылмыстардың көпшілігін жергілікті атқарушы органдардың мемлекеттік қызметшілері жасайтынын атап өтті. Олар лауазымдық өкілеттіктерін теріс пайдалану және бюджет қаражатын ұрлау фактілері бойынша, оның ішінде мемлекеттік бағдарламаларды іске асыру кезінде және орындалған жұмыс актілеріне қол қою, жұмысқа орналастыру, жалақы есептеу кезінде заңсыздықтарға жол береді.  
Сыбайлас жемқорлыққа қарсы күрес жөніндегі ведомствоаралық комиссия тиімділігінің төмендігі атап өтілді. Бұл ретте әртүрлі облыстық басқармалардың жартысынан көбі сыбайлас жемқорлыққа қарсы саясат туралы есеп бере алмады.
«Өңірде аса маңызды мәселелерді шешуде қоғамдық бақылауға жеткілікті көңіл бөлінбейді. Көптеген шешімдер жүрдім-бардым қабылданады және бұл аспект азаматтардың көңілін қалдырады. Жоғары деңгейдегі шенеуніктердің әрбір қадамы, іс-әрекеті, ниеті  жұртқа ашық та, түсінікті болуы керек. Сыбайлас жемқорлыққа қарсы іс-қимылдағы басты міндет – қоғамда сыбайлас жемқорлыққа қарсы дүниетаным мен құқықтық сананы қалыптастыру», - деп атап өтті Ерлан Саиров.

Похожие публикации

Лента новостей

26.04.21
В Nur Otan озвучили предложения по сдерживанию цен на продукты питания
23.04.21
«Miras» алаңында отандық кинематографияның жай-күйі талқыланды
22.04.21
Обеспечение сёл питьевой водой взяли на контроль в Nur Otan
22.04.21
Сапалы сумен қамтамасыз ету мәселесі Nur Otan-да қатаң сынға алынды
21.04.21
Nur Otan-да биылдың өзінде 1000 мектеп жаңғыртылатыны айтылды
19.04.21
Nur Otan-ның сайлауалды уәделерінің орындалуын 1738 қоғамдық кеңес қадағалайды
16.04.21
Корпус молодых депутатов создали в партии «Nur Otan»
12.04.21
Nur Otan возьмет на контроль ход вакцинации в регионах
12.04.21
Белгілі қоғам қайраткерлері мен журналистер Nur Otan партиясының жаңа кеңестеріне кірді
08.04.21
Мәжіліс депутаттары алматылықтардың айтарын тыңдады
07.04.21
Нурсултан Назарбаев принял Председателя правления АО «ФНБ «Самрук-Қазына» Алмасадама Саткалиева
06.04.21
Елдос Абаканов рассказал, как будут решаться экологические проблемы Казахстана
05.04.21
«Қоғамдық кеңес – демократияға сай қозғалыс» – Расул Жұмалы
02.04.21
Бауыржан Байбек рассказал, как Nur Otan реализовывает концепцию «Слышащего государства»
02.04.21
«Nur Otan» сайлауалды бағдарламасының орындалуын қалай бақылайды
01.04.21
Nur Otan: Биыл үш ауысымды мектептердің мәселесі шешіледі
01.04.21
«Nur Otan»: Казыгуртский депутат содействовал узакониванию прав на жилье жительницы, которая 13 лет искала справедливости
31.03.21
Нұр-Сұлтанда ертеңнен бастап 1-сыныпқа құжат қабылдау басталады
31.03.21
Елбасы Түркітілдес мемлекеттердің ынтымақтастық кеңесінің бейресми саммитіне қатысты
31.03.21
Глава государства принял участие на неформальном саммите Совета сотрудничества тюркоязычных государств в онлайн-формате
Все новости

Архив публикаций

«    Май 2021    »
ПнВтСрЧтПтСбВс
 12
3456789
10111213141516
17181920212223
24252627282930
31 
Оцените работу движка

Наши партнеры

Наверх