Бауыржан Байбек Қарағанды облысында сайлауалды уәделердің орындалуын тексерді

News«Nur Otan» Төрағасының Бірінші орынбасары Бауыржан Байбек Елбасы, партия Лидері Нұрсұлтан Назарбаевтың тапсырмасы бойынша өңірлерге сапарын жалғастыруда. Бүгін ол сайлауалды уәделердің Қарағанды облысында орындалу барысымен танысты. 
Оның айтуынша, Мемлекет басшысы Қасым-Жомарт Тоқаев жария еткен «Өзгерістер жолы: Әр азаматқа лайықты өмір!» атты Сайлауалды бағдарлама аясында облыста 5 жылға жоспарланған 1814 іс-шараның 25%-ті орындалған. Жыл басынан бері 308 мың шаршы метр тұрғын үй, 72 км газ құбыры, 46 км су құбыры және кәріз желілері салынған, 1,4 мың км жол жөндеуден өткен. 4 жаңа мектептің құрылысы аяқталуда. Кәсіпкерлікті дамыту мақсатында 60,4 млрд теңге сомаға мыңнан астам жобаға қаржылық қолдау көрсетілген. 20 мыңнан астам жұмыс орны ашылған.
Сайлауалды бағдарламада ауылдық жерлердегі дарынды балаларды анықтап, қолдау көрсетуге ерекше назар аударылғанын ескере отырып, Бауыржан Байбек филиал төрағасы, облыс әкімі Жеңіс Қасымбекпен бірге Осакаровка кентіндегі «Жастар» балалар-жасөспірімдер орталығы жанындағы жаңартылған техно орталықта болды. 
«Сайлауалды бағдарламаны іске асыру аясында мұнда күрделі жөндеу жүргізіліп, заманауи жабдық сатып алынған. 654 білім алушы үшін 26 тегін үйірме, оның ішінде бағдарламалау студиясы, робототехника, жасанды интеллект, балама энергетика зертханалары және басқалары қолжетімді. Оқытушылар арасында «Дипломмен ауылға» бағдарламасы аясында туған жеріне оралған Нұр-Сұлтан, Алматы және Қарағанды қалалары жоғары оқу орындарының түлектері көп екенін атап өткім келеді», – деп жазды ол Facebook-тегі парақшасында. 
«Nur Otan» Төрағасының Бірінші орынбасары атап өткендей, аға буынға қамқорлық таныту – партия басымдықтарының бірі. Бүгінде Қарағанды облысында 200 мыңнан астам егде жастағы адам тұрады. Сондықтан Қарттар күні қарсаңында ол Қарағандыда «Ардагерлерді ардақтайық» партиялық жобасы аясында ашылған Белсенді ұзақ өмір орталығында болды. Мұнда аға буын үшін лингафон сыныптары, би және спортпен айналысу залы, сондай-ақ шығармашылық және оқу сыныптары қолжетімді. Қарт кісілерді белсенді қоғамдық өмірге тарту үшін мұндай орталықтар бүкіл ел көлемінде ашылатын болады.
Бауыржан Байбек өз постында партияның сайлауалды бағдарламасының тағы бір маңызды бағыты – ерекше қажеттіліктері бар балаларды қолдау жайлы атап өтті. Оның айтуынша, Елбасы тапсырмасымен қолға алынған «Кедергісіз келешек» жобасы аясында 2025 жылға дейін колледждер мен жоғары оқу орындарында, сондай-ақ мектептер мен мектепке дейінгі ұйымдардың 70%-тінде инклюзивті білім беруді ендіру бойынша міндет қойылған. 
«Осы бастаманы жүзеге асыруға «Болашақ» корпоративтік қоры өлшеусіз үлес қосуда. Бүгін Қарағандыда №5 және №102 мектептерде инклюзияны қолдау кабинеттеріне баратын оқушылардың ата-аналарымен кездестім. Ата-аналардың айтуынша, заманауи әдістемелер мен болашақтықтар оқытқан мамандардың арқасында балалардың әлеуметтік және академиялық дағдылары жақсарып, мінез-құлқындағы проблемалары азайған», – деді ол.
Жалпы, «Болашақ» қоры өңірлерде 59 мамандандырылған оңалту мекемелерін ашып, жабдықтаған, оның ішінде 22 қалада 43 инклюзияны қолдау кабинетін ашқан. 2 мыңнан астам ерекше білім алуға қажеттілігі бар бала қамтылған. Олардың көпшілігі сөйлеуді үйреніп, өз бетінше оқуға көшкен, әртүрлі жарыстар мен олимпиадалардың жүлдегерлері атанған.
Осы орайды пайдалана отырып, Бауыржан Байбек ерекше балалардың ата-аналарына «Болашақ» қоры ағылшын тілінен қазақ тіліне тікелей дубляждаған мультфильмдердің дискілерін тарту етті. Елбасының тікелей қолдауымен болашақтықтар «Өзіңнен баста» жобасының аясында соңғы 10 жылда ең жоғары стандарттар бойынша мемлекеттік тілге 37 кинокартинаны дубляждады.
Сол күні партия Төрағасының Бірінші орынбасары Қарағанды, Шығыс Қазақстан және Павлодар облыстарында сайлауалды уәделердің іске асырылу барысын қарастырып, онлайн-форматта кеңес өткізді. Талдау көрсетіп отырғандай, жекелеген тармақтар бойынша жыл соңына дейін орындалмай қалу қаупі бар. Бауыржан Байбек филиалдар басшылығы мен мәслихаттардағы фракциялардың назарын осы бағыттағы жұмыстарды күшейту қажеттігіне аударды.

Похожие публикации

Лента новостей

26.10.21
Бауыржан Байбек проверил исполнение предвыборных обещаний в Алматинской области
22.10.21
Nur Otan: Законопроект по вопросам здравоохранения следует пересмотреть
21.10.21
Строительство школ и больниц на особом контроле Nur Otan
19.10.21
Nur Otan: Дәрі-дәрмектерге салықтық жеңілдіктерді алып тастау бағаны күрт өсіреді
18.10.21
Бауыржан Байбек Маңғыстауда сайлауалды уәделердің орындалуын тексерді
12.10.21
Качество работы портала социальных услуг обсудили в Nur Otan
09.10.21
Бауыржан Байбек Түркістанда сайлауалды бағдарламаның іске асырылуымен танысты
08.10.21
«23% орындалды». Б.Байбек сайлауалды уәделердің Шымкентте іске асырылуын тексерді
06.10.21
В Nur Otan озвучили итоги проверки детских интернатов
05.10.21
Nur Otan алаңында құқық қорғау жүйесінде болатын жаңа өзгерістер жайлы айтылды
04.10.21
«Не допустить роста цен». В Nur Otan дали рекомендации Минсельхозу и акиматам
04.10.21
В Nur Otan рассмотрели исполнение программы по противодействию коррупции в ВКО
30.09.21
Jas Otan возобновит рейтинг учебных заведений по состоянию общежитий
29.09.21
Бауыржан Байбек Қарағанды облысында сайлауалды уәделердің орындалуын тексерді
28.09.21
«Nur Otan» мен Қазақстан Жазушылар одағы «Ұлы дала» байқауын өткізеді
24.09.21
Бауыржан Байбек проверил реализацию предвыборной программы в СКО
23.09.21
Бауыржан Байбек Ақмола облысында сайлауалды уәделердің орындалуын тексерді
21.09.21
В Nur Otan рассказали о добрых поступках своих депутатов
18.09.21
120 деревьев высадили сотрудники Nur Otan в столице
14.09.21
Сборная Казахстан вошла в восьмерку сильнейших команд на Всемирной шахматной Олимпиаде
Все новости

Архив публикаций

«    Октябрь 2021    »
ПнВтСрЧтПтСбВс
 123
45678910
11121314151617
18192021222324
25262728293031
Поговорим о сериалах:

Наши партнеры

Наверх